祝各位虎年進步, 我今年進步咗喇. 今年我整蘿蔔糕呀, 但明明有人話今年整比我食, 跟住話我地一齊整. 點解到最後...........................
第一日買番嚟既蘿蔔, 本來都ok靚, 但放咗係袋兩日................
唔知點解會變成咁. 我個膠袋冇打結嫁. 幾肉酸.
好彩刨完d 皮唔係咁啫.白番晒
五個蘿蔔重七斤幾. 刨晒絲喇.
腊肉 , 腊腸切粒.
蝦米 &乾瑤炷浸淋
整好晒入兜喇, 可以去蒸喇
蒸好喇. 原來兩兜叠住, 下面果盆會差少少.
蒸好喇. 不過好似少咗少少裝飾
哩盆幾多料. haha
蒸哩三盆糕. 受咗少少傷. 因為個刨好細. "真係磨薑" haha, 不過希望好食啦.
ps 其實盆盆分量一樣, 以係餡多定面多料. haha
年廿八- 洗邋遢
雖然我間屋仲未執好, 所有垃圾都壓住晒. 但見今日年廿八就買過把掃"把"啦, 之前見過己經想買, 但又怕比人呃, 諗住搵多個人去睇吓, 點知佢冇開檔, 今日見到,又廿八所以好啦.
就係哩set喇, 六十蚊, 有三個頭, 佢話一個用九個月喎. 之後要去實惠配喎.
個垃圾鏟係可以摺起, 方便收藏.
放埋把掃"把"落去都冇問題. 個掃"把"頭係冇毛, 唔會click 住晒d頭髮.
另外有一個細頭, 係要嚟洗窗既, 因為我幢大廈現家維修緊外牆, 所以個窗係唔洗抺喇, 抺咗都冇用, 所以遲d 先試.
可以屈成90度角去刮水
哩包嘢係最貴, 用係上面個細刮, 一包十塊, 成二十蚊一包.
哩個係我去界ikea 櫃背板時. 順路界多個窗台櫃, 其實係我家男人計好晒, 叫我去界, 不過佢話我比人呃錢喎, 是但啦, 我滿意就得啦, 不過我家男人就慘喇. 間木行界木間到塊塊都長過我比佢個呎吋. 有d長一分, 有d 長兩分, 搞到我個男人唔知點算
, 不過最後用咗兩日既時時間搞掂, thank you 晒
我唔記得影之前既相
一影就係哩幅砌好既樣, 仲有個小櫃桶
揭蓋既, 因為唔想係窗台轉窿, 又怕拉櫃桶佢會翻, 所以用揭蓋式
哩個櫃桶仔係我痴既, 塗咗白膠漿
痴好喇, 係咪幾靚呢??
放咗係窗台影相, 但佢唔係屬於哩邊窗台,
(我個窗簾靚嘛?)
內籠係咁, 因為想放多d 嘢, 所以唔整咁多格
佢係屬於哩邊窗台, 即係我床尾.
側邊要嚟放電腦, 放好再影比大家睇吓.
個櫃係襯番我個ikea 櫃.
ps 唔記得影d 板添, 我d 板應該係碎料, 所以塊塊木都披晒口, 應該係d側邊位,唔係中間位果d , 又唔同色, 又塊塊size都唔準. 仲要收得我好貴. 下次唔幫襯佢.恰我女人仔唔識嘢, 仲要串過鬼.
