送舊迎新篇 - 電話篇

上次去Sony 玩cupcake時，用過部Z1，好想換，但好似好重，d人話note 3好D, 又見佢會出玫瑰金色，所以諗住等下啦，點知部note 1就short short地，叉唔到電，咁就……，仲有朋友話百老匯note 1 trade 到$2500，跟住諗住去衛訊問下價啦，當時九點半，朋友whatsapp 話last day  + 699換tab, 雖然冇2500咁高，但都有2000，咁唔等啦，即買咗白色。

點知，第二朝個朋友話我知出咗金色，仲要平咗300，當時好想。

好彩我同事好好，佢話佢都會買note 3,佢同我換喎。開心到彈起，，但都等咗佢一星期先得閒去買，冇計，鐘意係要等。

小露寶保溫瓶送的

聖誕第一激 - 樹頭蛋糕

又到聖誕喇，當然要應下節，見到團購有得學樹頭蛋糕，即刻買咗，今年就整樹頭蛋糕應節啦，我會攞返公司開party，比同事做白老鼠，希望大家食咗聖誕快樂！！

媽媽新手作 （第一篇係電話寫）

媽媽最近又有新搞作-毛根，唔係要嚟洗面果d，係果d毛毛鐵線。

佢又整咗d冇眼冇鼻既公仔喇，其實佢地太細隻，未搵到眼仔。

唔知有冇人嚟估下媽媽整緊乜嘢狗。

媽媽慶生的影樓照

18/11 係媽媽生日的大日子, 佢知爸爸一定唔會安排節目, 所以唯有佢自已安排啦, 咁佢諗住果日就全家影輯相相的, 點知爸爸老闆話果日全世界都唔放得假,咁唯有改期啦.........

等了又等, 終於係29/11影咗喇!!! D 相係咪影得好靚呢. 不過媽媽話唔係幾滿意, 因為佢懶冇幫我地美容囉.

媽媽話本來想要多D 同背影的單獨照, 但我同妹妹太有性格. 唔肯笑. 搞到張張都唔太靚, 果日個哥哥同姐姐係咁氹我都唔識笑. 一關機, 爸爸抱住我地,我地就偷笑.  激死!!!

媽媽話雖然唔係最滿意, 但D 相相好靚, 都加D錢攞返D 相啦. 下次有機會再影過!!

23/8 & 27/9 兩位公主的生日

大公主三歲喇, 祝身體健康, 唔好再吠媽媽啦!!

細公主一歲喇, 都係祝你身體健康, 唔好再咬布得嘛!!

你地永遠都係媽媽心中的寶貝!!

今年生日你地兩個的生日會都好盛大, 雖然唔係正日搞, 但有咁多好朋友陪你地, 你地應該開心啦. 

你地兩個同一時間大個女. 搞到媽媽冇覺好瞓, 你地唔好互UN咁好肉酸啦, 你地兩個都係公主, 有D 儀態可以嗎??? 

新的開始....................舊的也不要忘記

29/8 得知yahoo blog 要關閉, 心裡下沉了一下, 雖然我不是熱爆blogger, 亦不是經常update, 但由2006年累積的一點一滴, 如果咁就冇咗. 我真係覺得好可惜. 經多位網友介紹, 自己亦有用開gmail. 所以就搬過嚟, 從新適應, 但新blog 不是我預期的簡單, 希望我可以好快適應, 亦希望重拾寫blog 的興趣!!!

Cobe：妹妹我地要去邊呀?

Cammie : 家姐我地一齊要去新屋呀, 各位blog 友你地一齊嚟啦! 記住我地呀

食得的聖誕樹

入facebook, 見到有人整聖誕樹cupcake, 我又玩下先.

朱古力蛋糕


cream Cheese + butter + ice sugar


中間放咗粒士多啤梨, 所以其實唔係太多cream.

包裝好, 可以送外賣喇!

ps 唔記得買朱古力,所以冇乜顏色!