難食的一餐

噚日去mega box 本來想去B&Q, 可惜close咗. 

見到"小飛象葡國餐廰"裝修得咁靚, 但其實完全唔match 佢係一間葡式餐廳, 似日式西餐廳, 但都試吓囉, 我本身好肚餓, 好想叫好多嘢試, 但我隻白老鼠話食唔晒呀, 咁好啦收手, 點知................好彩我聽話咋.

我叫咗:

燒咸豬手 ($78) - 又乾又肥又靭, jusco 檔仔好食好多, d 皮靭到咬唔到, d 肥糕食落去好怪, 痴晒牙，實在難食。

葡式焗釀乳豬炒飯 ($68) - 葡式焗釀乳豬炒飯 - 個飯好香好味, 但乳豬又唔脆,又硬又靭, 我真係咬唔開, 可能我年紀大, 我自己搵焗爐焗燒肉都好味過佢。

馬介休炒什菜 ($48) - 係最好食既一碟。

同沙甸魚 ($18, 兩條起) - 係原條燒, 入面係冇劏冇洗。

total $230 (hkb 咭有九折)

ps, 如果想食裝修, 佢真係一d 都唔差, 但食物可能我點錯菜....