第四堂馬賽克(完結篇)

今日好忙, 首先2-4點去火炭學燒玻璃, 跟住飛落尖沙咀上第四堂馬賽克,亦都係最後一堂. 因為三件作品己經完成.

上堂最後的樣

今日再加工的相.

完成喇. 加埋個鐘"玉"落去喇.幾靚!

ps, 去哩間哩到學馬賽克, 其實幾唔開心的, 由第一堂開始, 整親乜都話要加錢. 由第一堂到最尾果堂都係咁. 本來我係想用一塊薄的正方型板整鐘, 直徑同個圓型係一樣的, 點知個miss (其實係老闆的亞媽)最初又話ok算數比我整, 跟住又反口話要+$20 買個鐘"玉". 明明佢話包整一個吊鐘的嘛,轉頭又話果塊板面積大咗喎,所以要自己買鐘玉, 你話有冇搞錯呀. 塊薄板就$9, 上面個鐘塊板就$20, 佢仲要我加錢喎,我啋佢都,梗係唔加啦. 咪用佢多d 石囉, 中間上次佢話可以痴, 今堂我痴完, 佢同我講, 本來痴中間要加錢喎, 佢真係痴線的. 成日就加錢, 又話個course 平, 又話工聯會搞冇得揀款. 咁你一早同我講,我咪唔幫襯你囉, 做手工嘢, 點可以成日咁計的, 一係你mark up高d囉.

仲有個miss 佢自己其實淨係識做, 但唔識教的, 所以我對哩間嘢上失咗信心啦, 本來想學到可以砌畫.但都唔係老闆自己教, 所以我會另謀高就囉.唔好話蝕比我呀!