好充實的一天

噚日過咗一個好充實的一日.

首先(一點九出車)車咗Charlie 去西灣河剪毛.雖則我假假地都係C級美容師(不過把剪發咗綉), 但响屋企冇枱,又得一個人的情況吓, Charlie係非常難搞的.所以多謝Sharon 幫手.(亦都唔好意思, 搞到佢遲到去食海鮮.下次我請食飯)

跟住(三點二)我就返咗柴灣小西灣泊車, 因為三點半約咗一個中學師兄飲tea(唔知以為我係外國返嚟, 查實只大過係新界過嚟, haha), 但去tea之前又想見吓人地個小女友喎, , 一個六歲靚女,但佢呷我醋喎, 我只不過坐咗响佢男友隔離位咋嘛(都只不過係十分鐘咋嘛, 又唔係我揀的, haha), 跟住(三點半到)我就去咗鯉景灣tea (多謝師兄tim又出車又出錢),

跟住(五點二到)我就返咗小西灣攞番件褸, 因為開始凍. haha, 我六點鐘到咗西灣河, 裝吓Charlie 啦, 仲剪緊前腳, 即係後腳未剪啦, 咁我就四圍行吓喇.我又唔可以入舖頭喎, 因為charlie 一定會癲咗, (sharon會收唔到工, 因為sharon有下場的)

咁七點接咗Charlie, 即刻飛的落柴灣, 仲叫亞媽落街接Charlie返上樓, 同佢開餐, 我就搭118落TST, 因為我要去飲呀. 好彩係麗晶中心擺, 所以都唔太趕, (七點四上車, 去到七點八到咋喎, 118真係快, haha.

好喇, 十一點散席, 我第一個走, 再搭返118返柴灣(十二點幾喇). 攞埋車再返亞媽屋企接番charlie, 佢啱啱係我亞媽個被窩走出嚟, (唔知佢係咪剪完毛唔慣冇咗層"fur")跟住架車返大埔都差唔多一點喇. 好飽瞓唔到, 沖埋涼搞到二點幾先瞓, 好充實的一天.

哩張係留咗二個月毛的相, haha(我睇你唔到, 我聽你唔到)

哩張係sharon大師剪的, 個腳筒幾粗, haha

ps charlie 剪完毛之後, 可能佢覺得個身輕咗, 佢的彈跳力勁咗喎, 現家好似多咗隻羊係屋企咁. haha

 

引用:http://hk.myblog.yahoo.com/schnauzerwhitley/article?mid=1803#mod-trackback-list