今日鸚鵡飛嚟, 好多人都多咗一日假. 我都唔例外, 樓下花圃的主人一早己經將D花打側瞓晒起地下. 以防D 花斷晒. 我就淨係將個BBQ爐放番入室內. 而我的寶貝CHARLIE就變咗震震狗.
今日CHARLIE 就成日痴住我. 而我呢因為我個電視比隻鸚鵡搞到變咗高清雪花台. 所以今日就係咁繡繡繡. 打風冇人做嘢. 所以明日都係睇雪花喇. 多在日假但乜都冇做呀.
不過好擔心樓下D 狗狗,佢地唔知匿晒去邊邊.
後記, 我屋企除咗charlie 變咗震震狗, 電視變高清雪花台, 噚晚個廳又入水, 今朝起身, 個廳有少量積水, 但個露台算失慘重, 靚花盆爛了,芍藥花斷了(上次"冠冕"嚟時已經將有花蕾的花斷了, 今次又斷, 想點喎), 露台的拖鞋變咗單拖.露台兩盆桔,"淋"咗, 又要清理現場.
其實今日睇新聞見又有人係大浪灣玩水失踪,唔係第一次啦, 上次試過, 連消防員都死埋, 點解d 人打風仲要玩水呢.咩嘢係岸邊睇浪啦, 唔通d人真係想試吓d消防員係咪真係身手咁好, 火警好多時都冇得揀, 打風唔出街係有得揀的, d人唔好咁自私啦. 消防員都唔想英勇殉職嫁, 人地都係人呀!
ha.. 我都在今朝六點把果樹訓底. 本想昨晚整既. 但班主有應酬, 飲到好醉又夜返.
回覆刪除Charlie 竟然唔係狗狗震, 而變咗做震震狗
呀 ~ 係呀 ~ 忘了講, 你個電視有雪花, 可能係個風吹(咩)咗條天線. 明天無咁大風時上天台移返位就得架啦.
回覆刪除你個廳又一次失守 尋晚10點幾我屋企的電視都變左高清雪花台,激到趙生死因為佢岩岩追緊"家好月圓"
回覆刪除[版主回覆08/23/2008 22:49:00]我打爛咗你比我個花盆呀
係囉. 果個人搵唔番我覺得真係抵死.
回覆刪除咁大浪仲去遊水, 自己攞黎衰.
[版主回覆08/23/2008 22:34:00]佢衰唔緊要. 唔好"累"人囉, d消防員都有屋企人的.
d人硬係鍾意玩命,咁大個人娶埋老婆,都仲要玩 最慘係要出動救佢果班公職人員 唉..........唔通真係要搵人陪佢死咩
回覆刪除[版主回覆08/23/2008 22:33:00]我睇無線新聞係未發生事前的訪問. 問佢, 打風嚟玩好危險喎, 條友講話唔怕, 我地成班人會睇住, 冇事的, 我心諗次次都咁講, 次次都出事.
好唔明呢班玩水睇浪嘅人點解係都要攞命嚟玩, 咁唔驚死就搵個無人嘅地方玩, 咁咪唔駛累人囉. 激氣!
回覆刪除[版主回覆08/23/2008 23:38:00]我以為我自己好激動添, 原來個個都覺得佢地唔啱.
啲人都愛惜自己, 有咩野辦法丫
回覆刪除嘩 ... 嗰日真係好大風呀 .... 下次要記住做好防風措施 ... 收番出面d嘢入黎啦 ~
回覆刪除