日式美食團

噚日同d同事同亞媽去咗上井食日式放題. 食物質素非常好.可能會再去的.

首先嚟個雜錦刺身 + 海膽

以下兩款都係靚女妹妹介紹的(因為兩款都係牛肉, 我冇食):

生牛肉刺身(唔記得個名)

香蒜鐵板牛肉粒

再嚟多round 刺身先(三文魚 + 甜蝦)

又係靚女介紹, 招牌菜, 芝士焗海蝦(個名係咁上下啦, 好好味的)

天婦羅, 炸蝦好正 (可惜冇南瓜, 有埋就perfect)

唔腥的秋刀魚, 不過多骨到差d 比佢拮死, haha

飲品係任飲的, 我淨係飲咗西瓜汁咋

海膽手卷(同事話要食, 靚女都話唔好叫有飯的啦, haha)

炸牛蒡, 其實食唔出乜味. haha

炸雞球, d肉好嫩滑的, 不過好飽肚囉

哩個我地聽唔到靚女話係乜, 但斷估係芥未炸魚咁上下. haha

炸多春魚

哩個係法國菜鵝乾紅汁浸雪利

 

哩個幾好食的, 芝士焗帶子, 入面仲有其他餡, 但唔知係乜

生果盤 (西瓜, 哈密瓜 + 石榴)

芒果布甸. 唔記得影雪糕添.

ps, 因為好似話唔比影相, 所以用手提影咋.

pps tracy下次等埋你呀, 記住攞回鄉証呀. haha