Cobe 100 % 轉咗哩隻新糧差唔多有一個星期. 講真分別就唔係話好大. 始終佢唔係食咗好耐, 不過見佢都鐘意食.所以會繼續比佢食.
一日三餐, 每餐的份量, 每日加埋食4 oz到啦.
等食中的cobe.
享受美食中的cobe
15/1 時影的相, 淚線都幾勁.
30/1 淚線就好似少咗. 但因為未食夠一個月, 所以好難講關唔關隻糧事. 不過我會繼續食佢的, 因為冇唔好就即係隻糧啱COBE喇.
啱啱瞓醒, 傻更更咁.
毛色未發覺分變好大, 牙仔換緊, 所以唔知有冇白到!
我會等Cobe食夠一個月會再出報告.請密切主意!
又有人比衫Cobe喇. cobe 個櫃桶full 晒喇.
哩件係情侶裝嚟的.
二手衫show off喇.
二手衫大合照
哩d都係二手 (from 大嫂)
哩d 二手衫 from Mia
車牌有得自定, 但Cobe的生日都有, 8月23日係佢自己揀的, 哩d 咪叫民主囉
今日五個月大喇, 佢應該都屬於健康的小狗喇, 而牙仔都開始換喇, 現家甩咗五隻喇(平均一個月甩一隻
). 不過我只係執到上下門牙各一咋(其實係我係佢個口到執的), 不過隨緣啦. haha.
佢現家身高係 xx cm 體重係 xxxx kg (佢話秘密唔講得喎
)
d 毛已經開始轉淺色喇, 好多人問我, 點解我隻狗成日唔同色喎
哩隻小鬼, 都算聽話(但比起家姐都差好遠), 我冇教過佢去廁板痾尿的, 但佢現家90% 準確,上咗床仲識叫人放佢落地下去廁所. 係痾boo就得番60%(佢好鐘意自行清理添), 不過佢最近轉咗糧後, 就70%冇咁好手尾喇, 不過我鐘意佢冇手尾, haha.
不過, 現家都淨係識sit 同hand, 其他 come, down就.....嘗在努力中
多謝Natural Choice (好似廣告, 不過哩篇唔係試用篇, 下一篇啦, 滿月勁d, 要寫先, haha)
Cobe 今日第一次試食, 其實點解我會決定比佢試食呢, 其實我對糧的認識唔太多, 以前只係靠人推薦, 之後去攞sample 試食, 老實sample 基本只可以知道隻狗食唔食, 但好唔好, 真係要買包糧最少要食兩個星期, 先知隻糧啱唔啱自己d 仔女囉.
今次哩包糧雖然冇人推介過(即係冇口碑啦), 但我噚日係講座聽到的資料, 令到我都好想比cobe 試吓, 因為佢係一隻全天然 (隻隻糧都話自己全天然, 希望唔好呃我啦! ), 無動物副產品(即係雞頭, 雞頸, 肉臟等等)，不含人工防腐劑、色素同調味, 獨特專利長型細顆粒設計(哩個我最Buy), 而且佢地有八十年歷史同埋全美第一銷量 (雖然wdj 冇推薦, 可能冇join 佢地個會等等等....).
就係哩包bb糧喇(其他BLOGER 的糧係成犬糧), 係大會安排比COBE 的,就係哩點我就覺得佢地好有誠意喇
(多謝DICKIE安排), 開出嚟都幾香(個袋冇得封番口,一陣要去買密實盒先). 同埋幾乾身, 唔會油笠笠的感覺, 我就冇親身試食, 但cobe 好似好鐘意喎.
就係哩個特別設計, 亦都係我比cobe 轉食的原因, 粒糧係有凹凸位, 係等佢地d牙仔咬落去多d 磨擦面, 幫助去除牙菌班及牙結石, 當然同佢刷牙係會好d, 噚日醫生講, 一星期最少三次呀, 唔係就等如冇刷呀.
Cobe 包糧的好處,當然係天然配方啦, 同埋係不含人工防腐劑(佢地係用天然維他命E與迷迭香精華). 仲含高份量提煉自葵花籽油的亞麻油酸(Omega 6脂肪酸), 可以令狗仔皮毛亮澤, 我都想cobe d 毛會靚d 嫁.
哩隻糧其實比大型犬及老年犬食係好好的, 因為佢地已經加入天然氨基葡萄糖胺及軟骨素(對關節好的), Dr Ng 話同人食的葡萄糖胺同狗食的係唔同, 所以要買就買d 狗仔食的), 哩隻糧亦加入咗鈣同磷 (醫生話鈣同磷要一齊先有效, 單一出現就唔好買喎), 自己買比佢地補都要留意下喇.
因為今日第一次轉糧, 所以以係比咗1/4 新糧 (其實好似得幾粒, 因為Cobe 一日食三餐),以下個表係教大家轉糧的, 唔好一轉就轉呀, 如果佢地適應唔到, 肚痾就大家都慘呀.
個topic 好似好勁!!
查實今日係cobe 第一次參與公開活動, 但表現係群腳仔一名
我地去咗旦王花呀, 唔係門口呀, 係入面呀! (平時唔比狗入的)
COBE: 見唔見後面d 象仔呀?? 我怕佢地整濕我會好凍, 所以我要走呀!!!
其實呢今日係得到Nutro Natural Choice 的邀請去又食又拎.
首先係吳仲瑩醫生 (Dr. Davy Ng) 講下天然糧的好處. 狗狗的腸冑問題等等....
再由該公司的公關經理講解產品的背景同特色.
本來佢地係聖誕前已經邀請我去的, 但我見好似好商業咁, 我就冇理佢啦. 不過佢地又再一次邀請我喎, 咁我就打去了解吓啦, 見佢地咁有誠意, 所以我就答應去見識一下啦.
聽落佢地的產品都好似唔錯喎.
成份天然. 仲添加"天然的葡萄糖胺及軟骨素"仲有鈣同磷.
但現家睇番, 原來我cobe 個包係冇的, 要大d 先有呀, 咁等大個先啦.
不過今日都攞咗包糧, 我都會比COBE試下的.不過佢的包裝有待改善, 係果d 腊紙封口, 開完要搵個密實盒裝番佢先得. (cobe 包糧特別唔同的, 因為佢仲係bb呀!!!)
哩D 係我的食物, 仲有"真多冰"同"LIME SODA" 供應的
今日其實仲撞到其他BLOG 友的, 毛豬豬同妹妹油油. 但COBE怕羞, 冇同佢地合照呀!
遲d 我會再寫試食報告. 大家留意喇.
Cobe唔經唔覺四個月喇, 牙仔亦都甩咗一隻喇, 好可惜執唔到, 可能食咗喇, 同埋噚日己經打埋第三針喇. 醫生今次再冇話佢瘦喇, 仲話重得幾好添. 因為比上次重咗0.35kg(重咗佢的體重1/3), 醫生好滿意. good!!!!
第一針體重: 0.84kg (5 Nov 2010)
第二針體重:1.15kg (6 Dec 2010)
第三針體重:1.5kg (7 Jan 2011)
不過醫生見到除咗衫的cobe 就......
醫生: 打齊針去比人做吓美容啦,
我: 剪咗喇, 不過bb 毛梳唔起
醫生: 你做乜生意的, 生意失敗咗喎!!!
係上面大家都睇到cobe 多咗個廁板喇, 係專人係台灣攞番嚟的. 唔該晒!!!
同場加映由細到大都瞓到好豪邁的瞓姿.
下個月打瘋狗針同晶片, 希望佢唔好太痛啦.
