銀線編

見團購有哩個銀線編平平地, 未學過,  一百蚊比佢啦

今日係去太子花墟果到學, 地點好好呀,
先去首先係揀整手鍊定吊咀. 因為手鍊個花我唔太鐘意, 所以我揀咗吊咀
一人兩條銀線+一個吊咀

跟住係個銀線整三個水滴狀, 如圖.

跟住要左搭右, 兩次

重覆

再重覆, 直致可以包住粒鍊咀為至

搞掂, 點解唔同色, 係呀, 因為同學仔唔鐘意啡色, 同佢換咗. ok 啦

其實整哩個嘢都幾用力的, 又唔錯得, 因為佢質地同鐵線一樣, 基本上你係還原唔到的, 所以都有少少難的!

ps 本來嚟哩到學都就腳的, 而我哩個團購, 應該有現金卷的. 但又因為個miss 都比較冇耐性. 仲串咗少少, 所以我唔會再上去囉.

10/12 貴婦狗 - 九龍塘課室最後一堂

今日係我係九龍塘課室最後一堂, 因為佢地會搬去荃灣. 今日返去乜都冇晒. 學生都係得五個人咋.

今日哩隻poodle. 剪指甲時會咬人. 不過係好細力果隻.  不過都係戴返個口罩好d !!!

沖完涼梳好毛, 都好齊呀!

剪好喇!!!

個頭未剪呀!!!


剪完個頭喇

側面睇!

好耐冇見, 頭都大埋.

好耐冇寫blog喇, 因為十一月冇返學, 又懶惰, 所以停咗

cobe 唔知係咪就大個女, 所以傻咗, 係我張床上面開大開小, 激死我喇

另外發現在iphone 有個apps, 好得意, 所以整咗兩張相


大頭 cobe

原相

大頭怪獸 (cobe 個青梅足馬的朋友)



原相

ps 哩個叫bighead marker, 有iphone 可以dl 玩吓呀!!!

cobe 你係咪想自殺呀!!!! 嚇死亞媽呀!!!

噚日cobe 又吠爆, 所以困佢籠唔理佢, 我就走去沖涼, 沖沖下涼, 聽到cobe 係出面慘叫一聲. 出嚟問佢老豆, 佢做乜呀, 佢老豆同我講, 佢咬電線被電親, 電到瀨尿添呀!! 當時嚇死我呀, 即刻攬住佢, 不過我諗佢好驚, 呆咗. 我一路試下搵嘢食試佢. 最初係一粒糧. 放咗入口, 跟住吐番出嚟, 再比餅佢又係咁, 不過唔夠五秒我再比佢, 佢識食喇. 跟住連頭先粒糧都食埋, 我諗佢條脷仔痺咗, 跟住我上床瞓, 佢又跳埋上床.
跟住................又吠爆. 激死我喇, 電兔下次叉電瞓下就得, 唔洗咬電線的. 嚇死我喇!!!

Cobe 的新衣-2 - (UPDATED)

Cobe 的新衣, 完成了, 都好fit, 好啱身. 

我靚唔靚呢?

加番個前幅先

未出事前, 沖涼後影的!

O靚毛試身

29/10 史納莎

29/10 今日剪史納莎, 主人話要"短", 所以冇裙邊, 腳都唔係留好多毛. 今日隻狗主人對佢都算好好, 起碼耳仔唔係啡色的.

"

手痕!

見到blog 友仔話織冷衫, 我都想織番一件. 但織乜款好呢??
以前織過幾件
哩件個款我好鐘意,所以織過好多件, 但cobe 唔啱著喇

邊款靚d呢??

22/10 西施

今日剪一隻老狗西施, 因為太肥, 又老, 所以腳力欠佳.
成日坐, 都幾難剪, 不過又因為佢老, 所以佢比較定.

今日把較剪唔太好, 所以剪崩咗少少毛

今日五點完, 但因為今日好多老師同學生請假, 所以我鏟多咗一隻芝娃娃.不
過趕住走, 冇同佢影相.