水口摸蜆一天團

本身已經plan咗星期六去摸蜆. 點知打風仲要黑雨, 以為又要取消, 點知今日天朗氣清.

哩到就係水口灣, d 水退得好出.

我地今日既收獲, 都有幾斤重

成地都係螺, 如果可以煮就好喇

今日都好多人嚟呀

走果時見到隻軟殼蟹, (保育關係, 影完相已經回歸大自然)

仲有見到馬蹄蟹, 即係鱟(音"后")

幾細隻,(保育關係, 影完相已經回歸大自然)

仲有好多牛呀

今日天氣真係好好, 晒到個身燶咗. 因為我淨係記得搽面, 唔記得搽頸同手腳

 

澳門半日遊

係facebook 登記咗平價船飛, 黑雨過後, 所有雨都走晒, 所以依行程走去澳門一轉, 因為要就大埔車出中環, 搞到成十二點幾差唔多一點先去到中環, 跟住又排咗半個鐘頭買飛, 本來想買一點半, 佢話冇, 最快二點半, 點知去到窗口要三點, 都冇法啦, 鬼叫平咩.

買咗三點去, 九點半返

氹仔碼頭

跟住第一站去醫肚, 氹仔大排檔,以為出名就好食, 點知有d 失望, 又貴又...

哩十粒咖哩魚旦, 冇咖哩味, 但承惠20元 

哩個豬扒菠蘿包, d 皮淋既. $18

仲有氣水先出奇, 大小樽都係9蚊. 叫咗一支可樂, 一支芬達提子汁, 但唔知佢提子汁得細樽, 好似有d比人搵笨的感覺.

食完再走去第二到, 見到燕窩旦撻 $10

跟住去番澳門, 再去幫襯第二d 食味, 菠蘿沙冰, 都ok, $14

濠大大雞扒(台灣美食) 哩到切開咗半塊, $20(新張特價)

食完嘢, 又買埋手信, 哩到買咗二百幾.

玩完食完走喇, 不過過咗關要行好遠吓先上到船

桂花杞子大菜糕

天氣熱, 又熱氣,  所以整番d 潤潤地又容易既甜品食下先 - 桂花杞子大菜糕

真係好簡單得幾種材料咋.

桂花1湯匙

杞子適量

大菜10g 浸軟剪碎

冰糖 100g

1.5公升水, 將大菜煮溶後再加入冰糖煮溶, 加入桂花杞子

放涼後入兜, 差唔多涼就搞一搞, 以免桂花沉底.

完成

 

夏天嚟, 要減肥!

夏天到咗, 又要減肥, 其實要減好耐, 不過太多藉口喇, haha

咁今年唔知係咪好年, 好多人搵我幫手佢地個大日子, 所以迫於無奈, 要動身喇

首先係woo woo woo ha

泰拳, 手套, 哩套係yahoo買番嚟, 比係亞sir 到買靚好多(亞sir 得黑色)同平好多(亞sir要賺錢, 但唔好賺我嘛, HAHA).

入面個樣, 隻手指公係突出嚟

出面個樣係咁, "GOMA"應該係出名泰拳用品

扎手帶, 用咗六七堂, 但都唔係好熟, hahahahahah

就嚟上中班喇, 但好似唔覺身型有乜轉變喎, 咁就去跑下步啦

Mizuno美津濃, 日本老牌子跑鞋, 但我最近先識佢

粉紅色, 我最like, haha

隻腳好似好大, 其實細一個碼都啱,但有人話跑步慶咗隻腳會大少少, 所以預大少少會舒服d喎, 你係老闆,更聽你話的, haha