星期日本來要整屋, 但因為有d 事整唔到, 咁我地走咗去南丫島行吓山睇吓風車! 今日用咗個零鐘就可以由榕樹灣 > 風采發電站 > 索罟灣.
路經見到好出名的大粒魚旦, 買嚟試吓先 ($12/ 3粒都幾貴), 不過真係好大粒,仲都好彈牙嫁! 所以試吓都ok啦.
同我隻手比較吓!
哩到就係風采發電站喇
跟住就去搵藍精靈.我地由榕樹灣行去索罟灣, 途經蘆鬚城.
跟住我地就搭船去咗香港仔搵朋友釣墨魚. 就係哩到喇, 應該叫香港仔海賓公園掛.
哩隻好勁既假蝦. (我大鄉里未見過)
未照燈前, 乜都睇唔到.
照燈後, 會發光嫁, 係咪好勁呢.
哩隻橙色都係一樣.
今日由柴灣 > 榕樹灣 > 發電站 > 索罟灣 > 香港仔 > 柴灣. 行程好豐富.
Charlie 六歲生日喇, 因為今年又係起水中, 所以又冇party開喇, 不過出年應該冇問題, 因為charlie 遲d 可能會去desex.
今年買咗個包比佢做生日蛋糕. 佢餐晚飯都加咗料, 但冇影到. haha
同場加映我的生日禮物, 哩條手鍊雖然簡單d, 但背後係有意思既, 不過唔話比你地知. haha
星期六既舊曆生日又過咗喇.
今次有魚蝦蟹餐.
面豉蒸倉魚, 係咪好特別呢!
白灼生蝦, 哩碟蝦好奇怪既, 唔洗碌殼喎.
哩碟係我好鐘意食既膏蟹.
蒜頭豆豉油麥菜
四個餸齊晒!!
哩個就係我個生日蛋糕. haha 幾靚!!
其實係雜果沙律, 但居然買漏咗粟米呀, 不過算啦, 整得咁靚!
我既生日過咗喇. 不過我個私房菜廚師仔就整咗餐飯我食, 因為係平日同埋好凍, 佢放工好晏, 我又唔想佢洗咁多嘢, 所以好簡單就算, 不過佢話係我舊曆生日(星期六)會整一個蛋糕比我喎, 但又好似話買一個比我喎.
首先係佢唔鐘意食既大閘蟹, 多謝你肯陪我食喎!
ok多膏啦, 不過好香.好味.(唔記得影我親手煮既薑茶添.)
生日要食雞喎, 油雞半隻 (不過好鬼肥呀!)
仲有清清地一個菜, 就係我既生日大餐喇.
生日禮物呢......................................可能就係生日禮襪囉, 
哩盆Little Rick, 由舊年4月開始浸葉到現家終於有花喇. 好期待佢開花呀, 近排天氣凍, 我公司d 花一盆盆咁爆花冧, 哩盆係第三盆, 亦都係我最期待既一盆.
今日開咗花喇, 好失望, 哩盆唔係little rick嚟
哩盆先係我鐘意的little rick嚟, 係咪好靚(張相係網上search 返嚟, 希望果位花友唔好介意)我真係好鐘意哩隻花嫁
因為上次買咗包鳳梨夾心餅比我個私房菜廚師仔食, 佢好鐘意, 但其實果隻夾心餅好難買, 但我又唔識整塊餅喎, 咁我為有整住d 低難度既嘢先啦, 就係鳳梨卷. 好易做咋, 聽聞某間餅店幾貴吓喎, 但我未食過.
做法同材料其實都好簡單, 首先雞蛋一只
牛油125g (我用咗金罐)
普通麵粉220g
糖粉(霜) 30g (我冇糖粉, 用咗砂糖自己打, 又得喎)
vanilla essence 1/2 tp
鳳梨餡 (我買現成, 唔洗整得咁辛苦)
首先將牛油, 糖粉, 雲呢嗱香油, 雞蛋混合
再慢慢加麵粉(我冇"西"粉, 因為我個"西"洗咗)
鳳梨餡搓圓
鳳梨卷唧筒 (好似唔係好多地方有得買)
首先唧條長條出嚟, 再一開二.
卷埋d 鳳梨餡就可以入爐
入爐前先掃一掃蛋漿先, 用170度焗15分鐘.
得咗幾靚!, haha
