Onion 近況

onion不經不覺都五個月大喇. 現家重259g, 都算ok啦

不過已經好難一隻手捉得穩佢, 所以影得好辛苦吓

成日逃離我個相機呀!

同場加影一隻超磅的刺蝟 - 大眼

白老鼠的早餐

之前見到朋友仔整饅頭同魯肉包, 我又想試吓.

之前搓面粉我就交咗比我部麵包機.

成咗粉團第一次發酵完成

分成一舊舊要嚟包餡的

魯肉一碗(白老鼠調味的), 要嚟做包的餡的

開始包喇, 白老鼠隻手嚟的, 所以粗d,

我話要一隻箭豬. 白老鼠就整咗比我喇

蒸好喇. 仲有埋隻眼添. 幾可愛,

個包都ok好味的, 係個餡淡咗少少(因為我唔鐘意食太咸的, 所以....就我囉). 又因為我買錯咗麥粉, 所以個包好健康同好有口感囉

是我太冇自信嗎?

我真係唔係一個好女友.

曾經我以為我係一個好的女朋友, 只係其他人唔識欣賞. 但對住你. 我諗我係一個好失敗的女朋友.我唔知自己想點, 知你倦想比你休息, 但又想見你. 想你送我返屋企. 但又唔想你咁操勞.  想同你一齊, 但又好怕你會辛苦. 想你慳d 錢, 但又...............或者我真係唔識去愛你.

我唔知太耐冇愛過人定我根本唔識去愛人. 我越愛你,我就越想你為我做多d 嘢,你記得我點解你每次入嚟我都要換床單嗎? (雖然你冇要求) 但我唔想你覺得, 你係佢的代替品.所以我想將我同佢的嘢都畫分得清清楚楚.我亦都好想我的男朋友會為我而去做, 而唔係我要求.我唔想每次都係我要求你去做, 我覺得自己好過份(sorry)

或者你講得啱, 因為佢(同佢)而影响咗我對你.但我可以同你講, 我同你一齊係好開心, 但亦都係最大壓力的一個. 我諗你同佢一齊應該係好開心咁開始, 唔會好似我同你咁囉. 因為你會話到比我知, 佢對你好好. 你會覺得佢好鍚你. 所以就連你覺得接受唔到的嘢都接受到. (所以我知你真係好愛佢. 雖然我好想你呃我, 但我睇番以前同你的msn 我真係感覺到你係好愛佢的.哩樣我知我冇辦法, 因為我冇可能同你有咁的經歷.亦令我對自己冇信心, 因為我冇辦法肯定到你有幾愛我)

曾經我係msn同你講過, 我同你一齊, 你會好辛苦. 因為我係一個好呷醋人. 我好雖要人氹, 要人鍚, 你話比d 時間你. 但當我發現一件, 又一件事都係同佢相關(我同你拍咗拖三個月咋). 我好驚, 我真係唔知我應該信你定唔信你, 每次你都係答我唔知, 唔記得(當初我未同你拍拖時, 我覺得你係好care我. 對我好細心, 我隨口講出嚟的嘢你都會記住(你記得我鐘意食乜, 唔鐘意我食乜, 我真係好開心的,所以我覺得你會好鍚我) 我唔係想攞你同佢比,但我真係好驚好驚, 好驚你會同佢一樣. 變咗只顧住自己,我真係好擔心會有哩一日.

我知我對你好唔公平, 因為我所有仲係大埔, 仲有佢架車的車匙, 仲同佢交緊電話費. 而因為我, 你己經同佢冇晒聯絡, 連朋友都做唔成, (你真係一d 都冇介意咩? 我唔信囉.sorry)

我知你係一個冇所謂的人, 所以你唔會太care 你係咪真係愛果個人先一齊, 你真係知乜嘢係愛嗎? 我唔想好似你同佢咁. 明明覺得唔work 都要開始, 我唔想你淨係用把口去愛人, 哩d 唔係叫愛呀,  唔好因為咁樣我會開心而同我一齊, 我唔雖要你為我負責任.愛係要兩個人一齊!

承諾太遙遠 - 張小嫻

如果我答應借錢給一個人，我不會期望他歸還。那是已出之物，他主動歸還最好，否則我有什麼能力追討？這方面，我不會天真。

同樣，承諾也不可追討。

當一個人對你說：「我不愛你！」

你為什麼還要流著淚問他：

「你說過永遠愛我的！你說過的！」

兩個人之間的承諾，若一方無法信守，那是無可奈何。

是他辦不到，不是他忘了，用不著你力竭聲嘶去提醒他一次。

當一個人要離開你，也無謂再提醒他：

「你說過不會離開我的！」

他說過又怎樣？

他對你說的時候，你不肯相信。他要走的時候，你卻要追討？

就把承諾當做愛情的一部分罷！

我們曾真心許諾為一個人做到一些事，但明天的世界，不在我控制之內。

做得到，我會快樂。做不到，我會憂傷，我會的。我也會學習，不去追討。

有過承諾的愛，總比未有過承諾的愛淒美。一旦要去追討，承諾已變得太遙遠。

Charlie 近況

上次sharon 同charlie 剪完毛之後, 好耐冇 見過charlie喇. 大家睇吓佢個樣, 幾長毛幾肉酸, haha

鏟咗幾多毛出嚟, 哩到係隨便鏟咋.

前咗個樣喇. 係咪靚女咗呢!

不過隻腳未鏟呀, 因為得我一個hold佢唔住.遲d 再剪過.