鶴藪遊一遊

星期六囡囡媽 & 小吉爸車咗我同charlie 去玩, 你睇吓大灰熊charlie 幾開心.

去咗邊呢, 就係鶴數營地呀, 不過當日好多小朋友, 所以我地行咗上山一個圈,

不過charlie已經好開心的喇.

Charlie 生活隨筆

今個星期日就係charlie 生日喇, 不過今年冇為佢搞生日會, 因為佢正值大個女, 唔想佢咁多狂蜂浪蝶, haha

不過上星期都帶咗佢落街跑咗個圈, 不過果時點零鐘, 佢跑咗十分鐘唔夠, 自己走番上樓, haha

有冇係香港見過大灰熊-- 開心Charlie

沖完涼個樣好肉酸吓喎. 乜嚟的. haha

都係要幫charlie 剪吓幾吓先, 起碼要見番隻眼同個咀先得.

因為果日本身趕住出街, 所以唔敢同佢大搞, 搵日又要去搵d 高人幫佢剪吓先

 

生日快樂!

今年生日話咁快就過咗. 記得舊年同charlie 係彭福開生日會,切蛋糕.

今年生日發生咗好多嘢, 有開心同唔開心的, 不過結局係點都冇人知

今年生日前一日,約咗d 好耐冇見的中學同學, 估唔到咁耐唔見大家都依然可以成晚不停咀. 返到屋企過咗十二點, 我就係facebook 收到好多不同年代的朋友&同學的祝福, 第一年咁多人祝我生日快樂咋. 

第一個親口祝我生日快樂的人, 你出年生日我會好好回禮,你應該知係你的!

生日當天, 平凡得來, 又好唔平凡咁喎. lunch我的好朋友/同事, 請我食飯慶祝, 有一個好姊妹仲要特登請假, 由柴灣去到大埔同我食飯, 仲要預早兩星期就約我. 好感動呀!!夜晚我冇出街慶祝, 另外我送咗一份好大好特別的禮物比自己. 當晚我十二點先瞓, 我第一年用祝24小時. haha

生日第二日

一早就比人搞到眼濕濕, (我越嚟越眼淺, 係感動定心情唔好呢??)

今晚我又約咗d 同學出嚟見面, 不過今次係仲遠古的同學, 小學同學, 大家都係升中後冇聯絡喇. 估唔到今次一次過可以見到八個同學, 仲有小學老師(現家係校長)呀,傾到十點幾大家都未捨得走呀, 不過因為第二日個個都要返工, 所以....下次請早.  . (我返到屋企十二點幾喇, charlie仲未食嘢呀!陰公)

今日生日後兩天, ho sir 請我食lunch呀(本來佢想放我飛機的,話要練波喎), 到今晚喇有人請我食晚飯的, 不過最終都比人放咗飛機喇.今日可能係飛機日, 點都要預留一個位比我.

ps, 今年冇切蛋糕(所以冇相睇呀), 但今年好難忘.

仲有呀今年多咗個契bb(我想要女呀).

得閒無聊又繡花

得閒無聊又去學吓繡花先, 唔洗返學, 唔洗趕功課的我真係幾無聊的, haha (同學仔唔好羡慕我呀)

哩堆就係今日我要用的嘢喇.

繡幾條線先, 無難度.

由於時間關係, 已經繡咗咁多喇. 係咪都ok呢??

完成喇, 我真係繡花的, haha! 都ok啦, 第一次唔好要求太高啦.

哩個係miss 的作品.佢當然靚好多啦.