迷你西瓜收成篇

26/8 我終於將我個迷你西瓜摘咗落嚟, 不過我個小農莊要稍稍休息(因為果棵死人哈密瓜, 搞到我個小農莊全部都係白色小飛蟲呀!)等佢散晒先可以再落種喇.

第一刀

分開咗喇, 賣相雖然唔太靚, 但入面起咗沙喇. (甜就唔多甜,少少咁啦)

total 得14粒西瓜種子咋, 花友們你地有冇興趣呀??

喜蔭-Epsicia "Blue Heaven"

22/8 近照一張

又係喜蔭, 哩棵亦都係花友無私的分享成果, haha

特別鳴謝: 香港園藝館花友 -

GOODluck20x

植物成長結果. 當然哩張相係借用的啦. (開花時我會換番我張)

 

喜蔭-Star of Bethleham 百利恒之星

22/8 我高了!

其實喜蔭, 我唔知係乜, 不過聽過話易種過紫蘿蘭, 咁又有人無私的享, 我又好好彩咁分得一棵. 所以我會好好種佢的喇, 10/8 落泥的, 不過張相係13/8 用新相機影的.

特別鳴謝:香港園藝館版主- kim小姐送比我的

哩幅相都係kim小姐的, 如果我盆開得盛就係咁樣的, haha(係咪好靚呢??)

花椰菜, 一口茄(唔知係蕃茄定茄子呢), 圓茄子 & 小辣椒回顧篇

因為唔想再呃post, 所以一次過update晒三種植物啦, 發展好似慢咗. 希望我遲d會見到佢地生生猛猛啦

哈蜜瓜回顧篇-1

我對哩棵好失望同好反感呀

我咁辛苦搵到種子, 佢冇母花都唔緊要我可以等, 但佢出埋d 白色小飛飛, 我就唔忍得, 木醋液, 辣椒水, 佢完全唔驚, 仲要騷擾埋我其他植物, 我係咪應該放棄佢呢??

小西瓜回顧篇-3

13/8 因之前落雨, 本人又較懶惰, 所以遲遲都未出回顧.

其實佢地又唔係好爭氣, 冇乜特出表演, 所以咪冇post出嚟囉.

各位西瓜fans, 我個西瓜仲吊咗係到未食, 我同佢開分時, 一定會搵名人剪綵的. haha

個頂位開始變色, 唔知係變壞定熟呢??

差唔多有手掌咁大喇!

唔知點解有d 葉好燶!

小西瓜回顧篇-3

13/8 因之前落雨, 本人又較懶惰, 所以遲遲都未出回顧.

其實佢地又唔係好爭氣, 冇乜特出表演, 所以咪冇post出嚟囉.

各位西瓜fans, 我個西瓜仲吊咗係到未食, 我同佢開分時, 一定會搵名人剪綵的. haha

個頂位開始變色, 唔知係變壞定熟呢??

差唔多有手掌咁大喇!

唔知點解有d 葉好燶!

ps 肥妹仔, 種子已收到. thanks

又有新玩具-- Panasonic fx100

想買部相機好耐好耐, 叫咗兩個朋友去日本幫我買, 佢地居然話買唔到呀,"老友, 哼"

今日自己去買咗, 不過唔係去日本,而係旺角. haha

panasonic fx100 銀色, 佢係水貨機, 所以冇中文說明書, 我會努力搵吓, 希望好快識用啦

個相機袋係咪好靚哩, 係街邊買咋, 因為我唔太鐘意黑&灰, 所以冇係相機舖買, 相機舖果個仲要$80, 哩個$38咋, 仲有好多色, 本來鐘意粉紅色, 但諗起charlie pa可能會攞嚟用, 所以哩隻綠色都唔錯呀!

試機相--my charlie

你地估吓以下哩兩幅相,邊幅係用cannon 的d20影,邊幅係新相機影的.

a.

b.