哈蜜瓜回顧篇

1/7 大家都做回顧, 點可以少得哈蜜瓜份呀, 花係開咗好多, 好多, 但佢唔爭氣, 全都都係公花, 所以暫時都冇嘢比大家睇, d 葉有事, 所以比我剪得七七八八, 哈哈!

快d 有母花出嚟啦

花椰菜回歸慶祝篇

1/7 落咗三粒種, 三粒都發到芽, 好快就有好得意的花椰菜喇, haha!

如果想知道花椰菜係點,請密切留意喇

西瓜結果回顧篇

今日回歸日, 就同大家回顧下個西瓜先! he

9/6

15/6

21/6

1/7

史納莎已找回主人

靚仔排骨已經返回主人身邊喇, 各位可以放心!!

有冇人識得哩隻靚仔呀?? 佢現暫住我柴灣娘家中, 如有人/朋友遺失這隻靚仔, 請留聯絡方法給我, 謝謝

花園的第三批住客

21/6 今次落咗花椰菜, 一口茄(唔知係蕃茄定茄子呢), 圓茄子 & 小辣椒, 希望我會成功啦, 因為用咗好鬼疏水的培養杯(我唔覺得好用, 但買咗唔好嘥)

迷你粟米失敗篇

21/6 諗住佢d soso 啡晒, 應該都唔會大啦, 一路摸佢都好瘦, 仲要係佢側邊出多棵喎, 我今日諗住幫個花園換吓季, 所以我就摘咗落嚟喇. 點知佢真係唔得呀, 得二粒粟米咋. 我為有炒咗個粟米芯算啦.仲諗住哩棵會留種添(不過佢果兩粒都都放番落泥, 唔知得唔得呢), 算啦, 呢d叫"希望越大, 失望越大"(不過我都叫有收成過呀, 應該要滿足)

苦瓜爆破篇

16/6 今朝出去睇, 都仲係橙色喎, 點知過咗兩個鐘頭去探佢.佢居然爆咗喎

迷你粟米收成篇(二)

14/6 今日摘咗另一個粟米, 佢d葉係比之前果個長d, 但入面, 如來係一樣長的, 所以我相信迷你粟米個長度應該都差唔多喇, 不過今日哩棵因為我溝咗小小佢隔離紅色的栗米花粉比佢, 所以佢係有小小紅的. hehe

不過今次哩棵,同以前果個唔同喎, 冇咗一點點嘢係到, 同埋冇上似咁通透, 今次係好硬(上似係煙煙un un).

迷你粟米收成篇

哈哈哈, 已經熟咗喇. 我同charlie pa一人一小啖, charlie食咗半條呀! 熟咗d 色好靚靚呀!

10/6 有網友話我d粟米應該係唔夠營養喎. 所以今日將最細果棵摘咗落嚟. 睇吓幾細棵. 但又好似唔係唔夠營養喎, 不過算啦, 都係貪得意咁種, 一陣整熟佢請charlie 食先, haha